Azərbaycan Ukraynanın bərpası üzrə konfransda iştirakını davam etdirəcək

Azərbaycan Ukraynanın bərpasına dəstək məqsədilə keçirilən beynəlxalq tədbirlərdə iştirakını davam etdirməyi planlaşdırır.Bu barədə Azərbaycanın xarici işlər naziri bildirib.

Onun sözlərinə görə, bu təşəbbüs çərçivəsində təhlükəsizlik, humanitar yardım, saxlanılan şəxslərin azad olunması, minalardan təmizləmə və digər istiqamətlər üzrə əməkdaşlıq genişləndirilə bilər.

Nazir qeyd edib ki, Azərbaycan daha əvvəl Ukraynanın humanitar ehtiyaclarına yönəlmiş beynəlxalq konfranslarda iştirak edib və yaxın gələcəkdə keçiriləcək analoji tədbirdə də təmsil olunması planlaşdırılır. “Ən böyük arzumuz münaqişənin ədalətli və sülh yolu ilə başa çatmasıdır”, – o vurğulayıb.

Nazir həmçinin Ermənistan və Azərbaycan arasında davam edən sülh prosesi barədə də məlumat verib. O, son aylar ərzində bu istiqamətdə aparılan danışıqlarda müəyyən irəliləyişlərin əldə olunduğunu, beynəlxalq tərəfdaşlarla, o cümlədən Böyük Britaniya ilə konstruktiv görüşlərin keçirildiyini bildirib.

N.Təbrizli