Prezidentlər“Azərbaycan Məhəlləsi”nı açdı

Hazırda Türkiyənin Kahramanmaraş şəhərində inşa olunan “Azərbaycan Məhəlləsi”nin rəsmi açılış mərasimi keçirilir. Tədbirdə Azərbaycan Prezidenti İlham Əliyev və Türkiyə Prezidenti Rəcəb Tayyib Ərdoğan iştirak edirlər.

Mərasim zamanı hər iki ölkənin dövlət himnləri səsləndirilib və layihəyə həsr olunan videoçarx nümayiş etdirilib.

“Azərbaycan hər zaman Türkiyənin, Türkiyə də hər zaman Azərbaycanın yanında olub,” – bunu Prezident İlham Əliyev Kahramanmaraş şəhərində “Azərbaycan” məhəlləsinin açılış mərasimində çıxışı zamanı deyib.

Dövlət başçısı qardaş ölkəyə dəstəyin davamlı və sarsılmaz olduğunu vurğulayıb.

“Bu gün əziz qardaşımla birlikdə Azərbaycan məhəlləsinin açılışında iştirak etməyim bizim dostluğumuzun və birliyimizin bariz nümunəsidir,” – Prezident Əliyev əlavə edib.

Türkiyə prezidenti Rəcəb Tayyib Ərdoğan isə öz növbəsində söyləyib ki, Kahramanmaraşda açılan “Azərbaycan məhəlləsi” Türkiyə ilə Azərbaycan arasında tale birliyinin bariz nümunəsidir.

“Biz iki dövlətin bir ürək daşıyan övladlarıyıq”, – o bildirib.

Ərdoğanın sözlərinə görə, zəlzələdən sonra Azərbaycandan göstərilən yardım unudulmayacaq.

“Zəlzələ zamanı ilk yardım edən ölkələrdən biri Azərbaycan oldu. Dağılan bu məhəllə Azərbaycan xalqının və Prezident İlham Əliyevlə Mehriban Əliyevanın dəstəyi ilə yenidən quruldu. Bu dəstəyi hər zaman minnətlə xatırlayacağıq. Kahramanmaraşı hər cəhətdən təmin olunmuş bir yaşayış yerinə çevirmişik”,  - Ərdoğan vurğulayıb.