Zaxarova Azərbaycana təşəkkür edib

Rusiya Xarici İşlər Nazirliyinin rəsmi nümayəndəsi Mariya Zaxarova bəyan edib ki, İrandan vətənə dönən rusiyalılar Azərbaycan torpağında onlara göstərilən kömək, dəstək və qonaqpərvərliyə görə minnətdarlıq edirlər.

“Bu gün İrandan Azərbaycana giriş-çıxış üçün nəzərdə tutulan Astara sərhəd-keçid məntəqəsini 500-dən çox Rusiya vətəndaşı keçdi,” – o, Sankt-Peterburq Beynəlxalq İqtisadi Forumu çərçivəsində keçirilən brifinqdə bildirib.

Zaxarovanın sözlərinə görə, rus xalqının adından minnətdarlıq əlaməti olaraq Çaykovski adına Böyük Simfonik Orkestr Bakıda pulsuz konsert verib.

“Azərbaycan tərəfinə xüsusilə münaqişənin ilk günlərində göstərilən çevik yardım və dəstəyə görə səmimi təşəkkür edirik,” – Rusiya XİN nümayəndəsi vurğulayıb.