Rusiya BƏƏ-də keçirilən Azərbaycan-Ermənistan danışıqlarını dəstəkləyir – Peskov

 Rusiya Birləşmiş Ərəb Əmirliklərində (BƏƏ) Azərbaycan və Ermənistan arasında baş tutan yüksək səviyyəli birbaşa danışıqları dəstəkləyir. Bu barədə Rusiya Prezidentinin mətbuat katibi Dmitri Peskov brifinq zamanı bildirib.

“Biz, şübhəsiz ki, belə birbaşa dialoq faktını alqışlayırıq və dəfələrlə bildirmişik ki, sülh müqaviləsinin mümkün qədər tez imzalanmasını istərdik,” –  Kremlin sözçüsü vurğulayıb.

Peskov, Moskvanın regionda sabitliyin bərqərar olması üçün tərəflər arasında dialoqu təşviq etməyə davam edəcəyini əlavə edib.

Azərbaycan və Ermənistan arasında sülh razılaşması üzrə danışıqlar uzun müddətdir aparılır.

Hazırda Azərbaycan və Ermənistan liderinin Əbu-Dabidə təkbətək görüşü keçirilir. 

Gülnar