Azərbaycan və Ermənistanın sülh istəyini dəstəkləyirik - ABŞ Dövlət Departamenti

 ABŞ Azərbaycan və Ermənistan arasında sülhün bərqərar olunmasına yönəlmiş səyləri dəstəkləyir. Bu barədə Dövlət Departamentinin mətbuat katibi Temmi Bryus cümə axşamı keçirilən mətbuat konfransında bildirib.

Açıqlama, Azərbaycan Prezidenti İlham Əliyev və Ermənistanın Baş naziri Nikol Paşinyan arasında Birləşmiş Ərəb Əmirliklərinin paytaxtı Əbu-Dabidə keçirilmiş görüşdən sonra səsləndirilib.

“Biz Cənubi Qafqazda sülh və sabitliyin təşviqinə yönəlmiş səyləri dəstəkləyirik. Vaşinqton müvafiq KİV-lərin məlumatlarını izləyir. Hazırda əlavə məlumat verməyə hazır deyilik,” –  Bryus bildirib.

O, həmçinin ABŞ-ın mövcud administrasiyasının yanaşmasını vurğulayaraq qeyd edib ki, prezident Donald Tramp və dövlət katibi Mark Rubionun bölgədə sülhə dair yanaşmaları aydındır.

“Prezidentin Nazirlər Kabinetinin son iclasında söylədiyi fikirlər də bunu təsdiqləyir: Bu administrasiya sülhə sadiqdir,” – Bryus əlavə edib.

Azərbaycan Prezidenti İlham Əliyevlə Ermənistan Baş naziri Nikol Paşinyan arasında Əbu-Dabidə görüş keçirilib. Görüşdə danışıqların davam etdirilməsi barəsində birgə razılıq əldə olunub. 

Gülnar