Heç vaxt işğalla barışmayın - Prezident ukraynalı jurnalistə cavab verib

Azərbaycan Prezidenti İlham Əliyev Ukraynalı jurnalistin "İşğal altında olan Ukraynaya nə məsləhət verərdiniz? sualına "heç vaxt işğalla barışmayın" cavabını verib.

"Ədalət mövcuddur və bunun üçün sən hər zaman çalışmalısan. Belə olan halda nəticə ala bilərsən. Azərbaycan Ermənistanla baş verən Qarabağ münaqişəsi dövründə ciddi humanitar və siyasi sınaqlardan keçib.

Qarabağ müharibəsində böyük itkilər verdik. Münaqişədən sonrakı dövr heç də asan olmadı. Təxminən 1 milyon insan doğma yurd-yuvasından didərgin düşdü,” –  Prezident Əliyev qeyd edib.

Dövlət başçısının sözlərinə görə, həmin çətin mərhələdə Azərbaycanın beynəlxalq dəstəyi yox idi və ölkə dərin siyasi və sosial böhran yaşayırdı.

“Çətin günlərdən keçirdik. Belə bir vəziyyətdə Heydər Əliyevin hakimiyyətə qayıdışı Azərbaycanı xilas etdi,” – Əliyev əlavə edib.

Prezident Əliyev Ukrayna xalqına da mesaj ünvanlayaraq bildirib.

“Heç vaxt işğalla barışmayın",- Əliyev deyib.

 O, Azərbaycanın öz torpaqlarını beynəlxalq hüquqa uyğun şəkildə azad etdiyini xatırladaraq, siyasi iradə və milli həmrəyliyin vacibliyini vurğulayıb.

Gülnar Nazimqızı