Trampın dövründə heç bir yeni müharibə başlamayıb - Əliyev

Trampın hakimiyyəti dövründə ABŞ heç bir yeni müharibəyə başlamayıb və əksinə, mövcud münaqişələrin həllinə çalışıb. Bunu Azərbaycan Prezidenti İlham Əliyev III Şuşa Qlobal Media Forumunda TACC agentliyinin jurnalistinin sualına cavab verərkən deyib.

“Mən onun qalib gələcəyini deməmişdim, sadəcə bildirmişdim ki, onun dəyərləri – o cümlədən ailə və mühafizəkar prinsipləri – Azərbaycanın mövqeyinə daha yaxındır.Trampın hakimiyyəti dövründə ABŞ heç bir yeni müharibəyə başlamayıb və əksinə, mövcud münaqişələrin həllinə çalışıb.
Biz ona Azərbaycan-Ermənistan münaqişəsinin həllində göstərdiyi şəxsi səylərə görə minnətdarıq. Hərçənd hələ nəticə əldə olunmayıb, bunun səbəbi onun diqqətinin Rusiya, Polşa və Özbəkistan ətrafında gedən proseslərə yönəlməsidir. Azərbaycan cəmiyyətində bu mövqe müəyyən simpatiya və ümid yaradır. Biz ona, hətta uzaq perspektivdə də olsa, uğur arzulayırıq,” –  Prezident yekunlaşdırıb.

Əliyev həmçinin qeyd edib ki, Azərbaycan müxtəlif siyasi və iqtisadi platformalarda, o cümlədən ECO kimi əməkdaşlıq təşkilatlarında fəal iştirak edir. O, Azərbaycanın Türkiyə və Qazaxıstanın təşəbbüsü ilə yaradılmış yeni regional təşkilata qəbul edilən ilk və hələlik yeganə ölkə olduğunu da vurğulayıb.

“Bu quruma İpək Yolu üzərində yerləşən səkkiz ölkə daxildir və onun yaradılmasından sonra heç bir yeni üzv qəbul olunmayıb. Bu isə Azərbaycanın göstərdiyi etimadın və strateji əhəmiyyətinin göstəricisidir,” –  dövlət başçısı bildirib.

Prezident həmçinin bildirib ki, Azərbaycan öz milli maraqlarını müdafiə edərkən qonşu ölkələrin maraqlarını da nəzərə almağa çalışır.

“Bu, regional və qlobal siyasətdə əsas prinsipdir. Hadisələrə dar çərçivədən yox, qonşunun baxış bucağından yanaşmaq lazımdır. Bu zaman bir çox məsələlər daha aydın görünür və potensial münaqişələrin qarşısını almaq olur",- Prezident deyib.

N.Təbrizli