Azərbaycan Prezidenti Trampa təşəkkür edib

 Azərbaycan Prezidenti İlham Əliyev ABŞ-ın sabiq Prezidenti Donald Trampın Şuşa Qlobal Media Forumunda Azərbaycan-ABŞ tərəfdaşlığı və sülh gündəliyinə dair fikir paylaşımına görə ona təşəkkürünü bildirib. Bu barədə Prezident Əliyev “X” sosial şəbəkəsində paylaşım edib.

“Prezident Donald Trampa minnətdarlığımı bildirmək istəyirəm”, –  paylaşımda qeyd olunub.

Azərbaycan Prezidenti Trampın qlobal və regional sülhə dair baxışlarını dəstəklədiyini vurğulayıb və ABŞ-Azərbaycan münasibətlərinin gələcəkdə daha yüksək səviyyəyə çatacağına ümid ifadə edib.

Paylaşımda, həmçinin, tərəflər arasında ortaq dəyərlərə – o cümlədən ailə ənənələrinin əhəmiyyətinə dair vurğular yer alıb.