İsrail Azərbaycana su, dərman və peyk texnologiyası ilə dəstəyini artıracaq

İsrail Azərbaycana humanitar və iqtisadi dəstəyini artırır — bu, su təchizatı, səhiyyə və peyk texnologiyalarını da əhatə edir. Bu barədə İsrailin Azərbaycandakı səfiri Corc Dik diplomatik missiyasını başa vurmazdan əvvəl keçirdiyi mətbuat konfransında bildirib.

“2025-ci ildə Azərbaycana 50 min israilli turistin gələcəyini gözləyirik və bu rəqəm iki dəfə arta bilər,” —  o bildirib.

Hazırda AZAL gündə iki, həftədə 14 birbaşa reys yerinə yetirir.

SOCAR İsrailin ən iri qaz yataqlarından birində 10% pay alıb və ölkənin sahil sularındakı I Zonada kəşfiyyat hüququ qazanıb.

Digər layihələrə su sahəsində əməkdaşlıq, Bakıda Teksnion tərəfindən kibertəhlükəsizlik mərkəzinin açılması, İsrailin Azərbaycan üçün peyklər qurması, Şamaxı yaxınlığında Cənubi Qafqazın ən böyük süd fermasının yaradılması və Yevlaxda quşçuluq fabriki daxildir.

Alyat Azad İqtisadi Zonasında İsrailin farmasevtik şirkəti müasir zavod istifadəyə verib.

Səfir bildirib ki, əməkdaşlıq yalnız iqtisadi sahə ilə məhdudlaşmır. İsrailli oftalmoloqlar müharibədə yaralanmış azərbaycanlı əsgərləri müalicə edib, Heydər Əliyev Fondu ilə əməkdaşlıq çərçivəsində pediatr briqadaları onlarca uşağa yardım göstərib.

N.Təbrizli