İlham Əliyevin bu gün ABŞ-a rəsmi səfəri nəzərdə tutulub

Avqustun 6-da Prezident İlham Əliyevin ABŞ-a rəsmi səfəri nəzərdə tutulub. Səfər ABŞ Prezidenti Donald Trampın dəvəti ilə baş tutur və siyasi, iqtisadi, enerji təhlükəsizliyi, nəqliyyat və sülh müzakirələrini əhatə edir.

Səfər əvvəlcə İlham Əliyev və Donald Tramp arasındaki artan siyasi dialoqun davamı kimi qiymətləndirilir. Trampın ikinci prezidentliyində Vaşinqtonun Cənubi Qafqaz siyasətində Azərbaycanın rolu artıb. 

Strateji tərəfdaşlıq üç istiqamətdə qurulub.

Enerji: TAP kimi layihələr vasitəsilə enerji ixracında şafaf tərəfdaşlıq möhkəmlənib.

Rəqəmsal iqtisadiyyat: ABŞ investisiyalarının qeyri-neft sektoruna axını iqtisadi diversifikasiyanı gücləndirir.

Təhlükəsizlik: Terrorizmlə mübarizə və regionda sabitliyin qorunması istiqamətində birgə əməkdaşlıq davam edir.

Bayden administrasiyası dövründə əlaqələr soyusa da, Trampın qayıdışı münasibətlərin yenidən qurulmasına imkan yaradıb.

Səfərin ikinci önəmli istiqaməti Ermənistanla sülh prosesi ilə bağlı müzakirələrdir.

Prezident Əliyev sülh səylərinin beynəlxalq hüquq əsasında aparıldığını bildirir. ATƏT-in Minsk qrupunun ləğv edilməsi və Ermənistan konstitusiyasında dəyişikliyin tələbi səslənib. Zəngəzur dəhlizi müzakirələrin ayrılmaz hissəsidir.

Trampın bu prosesdəki rolu Kemp-Devid razılaşması ilə müaqisə olunur. və onun vasitəçiliyi Cənubi Qafqazda sülhə təkan verə bilər.

Səfər eyni zamanda Fransa, Avropa Parlamenti və bəzi beynəlxalq qurumların əleyhdar kampaniyalarına siyasi cavab kimi qiymətləndirilir.

Prezident Əliyevin Vaşinqtona gedişi informasiya cəbhəsində diplomatik qalibiyyət olaraq qiymətləndirilir.

Bu səfər Azərbaycanın sülhdən inkişafa uzanan yeni xarici siyasət modelinin əməli ifadəsi, yeni geosiyasi reallıqların təsdiqi kimi dəyərləndirilə bilər.