ABŞ razılaşmaları Ermənistanın maraqlarına uyğun deyil - Rusiyalı deputat

Ermənistanın baş naziri Nikol Paşinyanla Azərbaycan prezidenti İlham Əliyev arasında ABŞ-da keçirilməsi planlaşdırılan görüş üzrə razılaşmalar İrəvanın maraqlarına uyğun deyil. Bu barədə Rusiya Dövlət Dumasının MDB işləri üzrə komitə sədrinin birinci müavini Konstantin Zatulin  TASS-a bildirib.

Zatulin, Bakı ilə İrəvan arasında hazırlanan sülh sazişi çərçivəsində irəli sürülən şərtlərin, xüsusilə Zəngəzur dəhlizinə nəzarətin ABŞ-ın təklif etdiyi özəl şirkətə verilməsi təklifinin Ermənistan üçün sərfəli olmadığını deyib.

“Əgər bu razılaşmalar Ermənistanın milli maraqlarına əsaslanmırsa, bu, Paşinyanın Qərbə inteqrasiya siyasətini əks etdirir və Azərbaycanla Türkiyənin maraqlarına uyğundur,” – Zatulin qeyd edib.

Deputat əlavə edib ki, Zəngəzur dəhlizinə xarici nəzarət həmçinin regionda İran üçün də strateji təhdid yarada bilər.

“Bu, ABŞ və qismən İsrailin maraqlarına uyğun gəlir. Zəngəzur dəhlizi vasitəsilə Azərbaycan və Türkiyənin fiziki birləşməsi təkcə Rusiyanı deyil, İranı da narahat edir,” – o bildirib.

Ermənistan hökuməti Paşinyanın bugün Vaşinqtonda ABŞ və Azərbaycan liderləri ilə görüşəcəyi planlaşdırılır.

ABŞ prezidenti Donald Tramp bildirib ki, Bakı və İrəvan bu həftə Vaşinqtonda sülh sazişi üzrə razılıq əldə etməyə hazırdırlar.

Gülnar