Səfirlik: Rza Zərrab heç vaxt Azərbaycan vətəndaşı olmayıb

APA-nın xəbərinə görə, bunu “Hürriyet” qəzetinə açıqlamasında Azərbaycanın Türkiyədəki səfirliyinin mətbuat müşaviri Elsevər Salmanov deyib.

E. Salmanov Türkiyə mediasında R. Zərrabın “Bakıda doğulan keçmiş azəri vətəndaşı” kimi təqdim olunmasından ciddi narahatlıq duyduqlarını bildirib: “Bu şəxs Bakıda doğulmayıb. Azərbaycanın dövlət orqanlarında bu barədə hər hansı sənəd yoxdur. O, nə keçmişdə, nə də indi Azərbaycan vətəndaşı olub. Gələcəkdə də ola bilməz”.   

Qeyd edək ki, Türkiyə mediasında iranlı R. Zərrabın 1984-cü ildə Bakıda doğulduğu haqda məlumatlar yayılıb. 

APA