Zahid Oruc: Sülhün qurulması Azərbaycanın suverenliyini daha da gücləndirəcək

Bölgədə qalıcı sülhün inşası ölkənin suverenliyini möhkəmləndirəcək və regionun bütövləşməsinə töhfə verəcək. Bunu Sosial Tədqiqatar Mərkəzinin sədri Zahid Oruc noyabrın 5-də XXI əsrdə dövlət suverenliyi və milli konstitusiyalar: qlobal çağırışlar, tendensiyalar və perspektivlər — “2025: Konstitusiya və Suverenlik İli” çərçivəsində beynəlxalq elmi-praktiki konfransda çıxışı zamanı bildirib. 

Onun sözlərinə görə, qələbədən sonra Azərbaycanın beynəlxalq və daxili statusunda baş verən dəyişikliklər yeni inzibati-idarəetmə mexanizmlərinin formalaşmasına, Qarabağın reinteqrasiyasına və milli həmrəyliyin möhkəmlənməsinə imkan yaradıb.

“Gəlin elə edək ki, hüquq yalnız döyüşdə deyil, gündəlik ədalətdə də özünü göstərsin. Konstitusiyaları müharibə deyil, barış və birgə gələcəyin sülh kitabına çevirməliyik,” – deputat vurğulayıb.

Gülnar Nazimqızı