Ceyhun Bayramov Vatikan Apostol Kitabxanasında olub

Azərbaycanın xarici işlər naziri Ceyhun Bayramov Vatikana rəsmi səfəri zamanı Apostol Kitabxanasında olub.Bu barədə nazir "X" sosial şəbəkəsində məlumat paylaşıb.

"Bu unikal kitabxana bizə əsrlər boyunca əlyazmalar və mətnlər vasitəsilə yaşadılan dialoqun önəmini xatırladır. Zəngin multikulturalizm ənənələrinə sahib Azərbaycan isə ortaq gələcəyimiz üçün daha dərin qarşılıqlı anlaşmaya aparan yol kimi mədəniyyətlərarası dialoqu və mübadiləni dəstəkləməkdən qürur duyur", – Ceyhun Bayramov paylaşımında qeyd edib.