Pəncəli Teymurovun anası Prezidentə məktub ünvanlayıb

Aprel döyüşləri şəhidinin anası Vahimə Teymurova Prezident İlham Əliyevə oğlu Pəncəli Teymurova ölümündən sonra “Azərbaycanın Milli Qəhrəmanı” adı verildiyinə görə təşəkkür məktubu göndərib.

Məktubda Teymurova Prezidentə şəhid ailələrinə göstərilən diqqət və qayğıya görə minnətdarlığını bildirib və oğlunun igidliyinin yüksək qiymətləndirilməsini ailəsi üçün qürurverici hadisə adlandırıb.

Pəncəli Teymurov 1981-ci ildə Astaranın Əzərüd kəndində anadan olub və 2016-cı ilin Aprel döyüşlərində, 35 yaşında şəhid olub. O, müxtəlif döyüş və xidmət medalları ilə təltif edilib.

Bu il noyabrın 7-də Prezidentin Sərəncamı ilə Teymurova “Azərbaycanın Milli Qəhrəmanı” adı verilib.