Azərbaycan və İran arasında nəqliyyat və kommunikasiya sahəsində əməkdaşlıq genişlənir- Ceyhun Bayramov

Araz çayl üzərində inşa olunan yeni körpünün başa çatdırılması üzrə işlər davam edir və layihə tam hazır olduqdan sonra bölgədə mövcud bütün körpülərlə müqayisədə ən yüksək buraxılış qabiliyyətinə malik infrastrukturlardan biri olacaq. Bunu Azərbaycanın Xarici işlər naziri Ceyhun Bayramov bildirib.

O bildirib ki, körpünün istifadəyə verilməsi iki ölkə arasında nəqliyyat, ticarət və humanitar əlaqələrin inkişafına mühüm töhfə verəcək.

"Xudafərin və Qız qalası hidroqovşaqları, həmçinin su elektrik stansiyalarının tikintisi iki ölkə üçün strateji əhəmiyyət daşıyan layihələrdir.bu il əldə edilmiş razılaşmaların icrası çərçivəsində Bakı–Tehran–Bakı marşrutu üzrə avtobus reyslərinin sayının artırılmasından məmnunluq duyuruq.. Bununla yanaşı, Bakı–Təbriz–Bakı aviareysinin açılması da yüksək qiymətləndiririk",- nazir bilfirib

Nazir əlavə edib ki, Azərbaycan ilə İran arasında ikitərəfli siyasi dialoq fəal şəkildə davam edir.

"Xarici İşlər Nazirlikləri arasında mütəmadi təmaslar, müxtəlif istiqamətlər üzrə məsul qurumlar arasında qarşılıqlı əlaqələr genişlənir. Yaxın günlərdə iki ölkənin müvafiq qurumları arasında konsulluq məsələləri üzrə məsləhətləşmələr keçirilib. Beynəlxalq təşkilatlar çərçivəsində də sıx əməkdaşlıq mövcuddur. Bu istiqamətdə xüsusilə BMT və onun agentlikləri, eləcə də UNESCO çərçivəsində həyata keçirilən birgə təşəbbüslər və nominasiya layihələri qeyd olunub",nazir bildirib.

Aytac