Milli Məclis Avropa Parlamentinin Azərbaycan əleyhinə qətnaməsini pisləyən bəyanat qəbul edib

 Azərbaycan Milli Məclisi Avropa Parlamentinin 18 dekabrda qəbul etdiyi və ölkədə siyasi repressiyaların sistemli xarakter aldığını iddia edən qətnaməsinə etiraz edib. Qətnamədə hökumətə siyasi məhbusları azad etmə çağırışı, o cümlədən alimlər, vətəndaş cəmiyyəti fəalları və müxalifət liderlərinin həbsi xüsusi vurğulanmışdı.

Milli Məclis spikerləri və deputatlar qətnaməni qərəzli və manipulyativ hesab edərək, Avropa Parlamentinin Azərbaycanın daxili işlərinə müdaxilə etdiyini bildiriblər.

Spiker Sahibə Qafarova qətnamədə yer alan ittihamları qətiyyətlə rədd edib və vurğulayıb ki, Azərbaycan beynəlxalq normalara riayət edir.

Deputatlar Kamal Cəfərov, Azay Quliyev, Əli Əhmədov, Kamran Bayramov, Zahid Oruc, Elşən Musayev, Səməd Seyidov və Vüqar Bayramov qətnaməni tənqid edərək onu uydurma və qeyri-real məlumatlara əsaslanan sənəd adlandırıblar.

Onların fikrincə, qətnamə Avropa Parlamentinin digər ölkələrə barmaq sirkələməsi və Cənubi Qafqazda sülhün inkişafına mane olmaq cəhdidir.

Milli Məclisin bəyanatında vurğulanıb ki, Azərbaycan öz suverenliyinə və məhkəmə sisteminə hörmətlə yanaşır və xarici qurumların ölkənin daxili işlərinə müdaxiləsini qəbul etmir.

Gülnar Nazimqızı