Azərbaycan və Türkiyə yeni 110-bəndlik fəaliyyət planını təsdiqləyəcək – Baş nazir

Azərbaycan və Türkiyə 2024-cü ildə Ankarada imzalanmış Fəaliyyət Planının əsas hissəsini icra edib və tərəflər əməkdaşlığın bütün aktual sahələrini əhatə edən yeni, 110-bəndlik fəaliyyət planını təsdiqləməyə hazırlaşır. Bunu Azərbaycan-Türkiyə Birgə Hökumətlərarası Komissiyanın 12-ci iclasında çıxış edən Baş nazir Əli Əsədov deyib.

Əsədovun sözlərinə görə, əvvəlki 120 bənddən ibarət Fəaliyyət Planının 78 faizi, yəni 93 bəndi icra olunub, qalan müddəalar isə yeni sənəddə əksini tapacaq.

“Zamanın çağırışlarını nəzərə alaraq fəaliyyət planına mütəmadi olaraq yeni müddəalar əlavə olunur. Bu gün tərəfdaşlığımızın bütün aktual sahələrini əhatə edən 110-bəndlik yeni fəaliyyət planını təsdiqləyəcəyik”, – baş nazir bildirib.

Əsədov əlavə edib ki, yeni müddəaların icrası Azərbaycan–Türkiyə əməkdaşlığının daha da inkişafına müsbət təsir göstərəcək.

Gülnar Nazimqızı