Patriarx Kirill Prezident İlham Əliyevi təbrik edib

Moskvanın və Bütün Rusiyanın Patriarxı Kirill Azərbaycan Prezidenti İlham Əliyevə doğum günü münasibətilə təbrik məktubu ünvanlayıb.

Patriarx məktubda Əliyevin Azərbaycanın prezidenti kimi ölkəsinə, vətəndaşlarına göstərdiyi qayğı, uğurlu sosial-iqtisadi siyasət və beynəlxalq gündəlikdə roluna görə yüksək qiymət verdiyini qeyd edib. Müasir mürəkkəb geosiyasi şəraitdə bu vəzifələrin yerinə yetirilməsinin strateji düşüncə, yüksək məsuliyyət və analitik yanaşma tələb etdiyini vurğulayıb.

Patriarx həmçinin Azərbaycan dövlət hakimiyyəti orqanları ilə Rus Pravoslav Kilsəsinin Bakı Yeparxiyası arasında səmərəli əməkdaşlığın dəstəklənməsinə görə təşəkkürünü bildirib.

Məktubda gələcəkdə mövcud münasibətlərin ənənəvi mənəvi dəyərlərin möhkəmlənməsinə xidmət edəcəyi ümid edilir. 

Kirill Əliyevə möhkəm cansağlığı, rifah və gələcək fəaliyyətində uğurlar arzulayıb.