Tokayev MDB ölkələri liderlərinin fiziki forması barədə danışıb

Qazaxıstan Prezidenti Kasım-Jomart Tokayev MDB ölkələrinin liderlərinin yaxşı fiziki formada olduğunu bildirib və onların aktiv həyat tərzinə sadiqliyini qeyd edib.

Onun sözlərinə görə, Azərbaycan Prezidenti İlham Əliyev mütəmadi olaraq məşq edir və fiziki gücü ilə seçilir.

Tokayevin qeyd etdiyinə görə, Qırğızıstan Prezidenti Sadır Japarov futbol oynayır, Özbəkistan Prezidenti Şavkat Mirziyoyev isə idman zalında məşq etməklə formasını qoruyur.

Ermənistanın Baş naziri Nikol Paşinyan velosiped idmanı ilə maraqlanır, Belarus Prezidenti Aleksandr Lukaşenko xokkey oynamağa davam edir, Tacikistan Prezidenti Emoməli Rəhmon isə Tokayevin sözlərinə görə, səhhəti ilə bağlı problem yaşamır.

“Bütün həmkarlar əla formadadır”, – deyə Qazaxıstan Prezidenti vurğulayıb.

N.Təbrizli