Hikmət Hacıyev Ukrayna səfiri ilə görüşüb

Azərbaycan Prezidentinin köməkçisi - Prezident Administrasiyasının Xarici siyasət məsələləri şöbəsinin müdiri Hikmət Hacıyev Ukraynanın Azərbaycandakı səfiri Yuriy Husyevlə görüşüb.Bu barədə Yuriy Husyev “X” hesabında məlumat paylaşıb. 

Ukraynalı səfir görüşün məhsuldar keçdiyini qeyd edib.

“2025-ci ilin nəticələrini, eləcə də 2026-cı ildə ölkələrimiz arasında strateji tərəfdaşlığımızı daha da gücləndirmək üçün addımları müzakirə etdik. Azərbaycanın Ukraynaya davamlı dəstəyinə görə minnətdaram”,- deyə səfir paylaşımda bildirib.