Asim Mollazadə: “Türkiyənin sülh təşəbbüslərinin nəticəsini görmürəm”

Türkiyənin istəyi Qafqazda sülhün, əmin-amanlığın bərqərar olmasıdır. Qara Dəniz İqtisadi Əməkdaşlıq Təşkilatının İrəvanda keçirilən konfransı çərçivəsində Türkiyənin xarici işlər naziri Əhməd Davudoğlunun ermənistanlı həmkarı Edvard Nalbandyanla görüşü də buna istiqamətlənmişdi.Bu barədə Gün.Az-a millət vəkili Asim Mollazadə Ermənistan və Türkiyə XİN rəhbərlərinin görüşünü şərh edərkən bildirib.Millət vəkilinin sözlərinə görə, amma o nəzərə alınmalıdır ki, Ermənistan artıq bir müstəqil dövlət kimi fəaliyyət göstərmir, Kalininqrad vilayətinə çevrilib və sülh istiqamətində hansısa ciddi addımlara hazır deyil.“Biz təbii ki, Türkiyənin sülh istəyinə çox müsbət yanaşırıq və bölgədə sülhün olmasında Azərbaycan çox maraqlıdır. Bizə təcili sülh lazımdır. Bu istiqamətdə dəstək göstərən hər kəsə minnətdarıq. Sadəcə olaraq Ermənistanın mövqeyinə görə, inanmıram ki, bu görüşün hansısa bir müsbət nəticələri olsun”.A.Mollazadə deyib ki, Ermənistanın mövqeyi özündən asılı deyil, bu ölkə artıq öz-özünü idarə edə bilmir:“Ermənistan bir müstəqil dövlət deyil. Çox güman ki, yaxın müddətdə Ermənistan dünyaya bu istiqamətdə addımlara hazır olmadığını nümayiş etdirəcək.Dəfələrlə Ermənistan beynəlxalq ictimaiyyəti bir neçə məsələdə aldatmaq istəyib. Məsələn, Ermənistan guya Şərq Tərərfdaşlığı proqramında fəal iştirak edirdi, amma sonra Gömrük İttifaqına üz tutdu. Hər zaman Ermənistanın belə bir siyasətinin şahidi oluruq. Türkiyə XİN rəhbəri ilə görüşdə də Ermənistan öz siyasətinin real üzünü bir daha göstərdi”.Millət vəkili deyib ki, Türkyə bu istiqamətdə öz təşəbbüslərini davam etdirə bilər, amma bunun nəticəsini görmür.ANN.Az