Azərbaycan və ABŞ əməkdaşlığın əsas istiqamətləri üzrə işçi qruplar yaradacaq

Azərbaycan və ABŞ strateji tərəfdaşlıq çərçivəsində əməkdaşlığın müxtəlif istiqamətləri üzrə birgə işçi qruplar yaradacaq.Bu barədə bu gün Azərbaycan Prezidenti İlham Əliyev və ABŞ-nin Vitse-prezidenti Cey Di Vensin imzaladığı Strateji Tərəfdaşlıq Xartiyasının mətnində deyilir.

Yeni qurulacaq qruplar iki ölkə arasında əməkdaşlığın enerji, ticarət və tranzit əlaqələri, iqtisadi investisiyalar, o cümlədən süni intellekt və rəqəmsal infrastruktur, eləcə də müdafiə, təhlükəsizlik və terrorla mübarizə kimi sahələrdə dərinləşdirilməsinə xidmət edəcək.