Deputat: Əliyevin Sülh Şurası iclası Azərbaycanın regional və qlobal mövqeyini gücləndirdi

Sülh Şurası dünyanın aparıcı iqtisadi güclərini birləşdirir, üzv dövlətlərin birgə ÜDM-i 54,4 trilyon dollar təşkil edir və bu dünya iqtisadiyyatının təxminən üçdə birinə bərabərdir. Azərbaycanın yüksək səviyyəli iclasa dəvət olunması ölkəmizə olan xüsusi diqqətin göstəricisidir. Bunu deputat Vüqar Bayramov Milli Məclisin fevralın 20-də keçirilən iclasında deyib. 

Bayramov əlavə edib ki, Azərbaycanın çox vektorlu xarici siyasəti Qərb və Şərq ilə tərəfdaşlığı gücləndirərək regional təhlükəsizliyin qorunmasında rolunu artırıb, ABŞ ilə ikitərəfli münasibətlər inkişaf edir, Yaxın Şərqdə isə ölkəmiz sülh və stabilliyin qorunmasında maraqlıdır.

O qeyd edib ki, Münhen konfransından sonra Prezident İlham Əliyevin Serbiyaya rəsmi səfəri Azərbaycanla Mərkəzi və Şərqi Avropa ölkələri arasındakı iqtisadi-enerji əlaqələrinin dərinləşməsinə xidmət edəcək.

Deputat vurğulayıb ki, Vaşinqtondakı ilk iclasda iştirak Azərbaycanın qlobal sülhün qorunmasına töhfə verən dövlətlərdən olduğunu təsdiqləyir.

Gülnar Nazimqızı