Vayra Vike: Qlobal çağırışlar fonunda dialoq platformaları daha da vacib olur

Qlobal çağırışların artdığı bir dövrdə beynəlxalq dialoq platformalarının rolu daha da artır. Bunu Latviyanın sabiq prezidenti, Nizami Gəncəvi Beynəlxalq Mərkəzinin həmsədri Vaira Vīķe-Freiberga Bakı Qlobal Forumunun XIII toplantısına həsr olunmuş mətbuat konfransında səsləndirib.

Vike-Freyberqanın sözlərinə görə, hazırkı dövrdə dünya mürəkkəb və ziddiyyətli proseslərlə üzləşir və bu şəraitdə dövlətlər arasında dialoq və qarşılıqlı anlaşma xüsusi əhəmiyyət kəsb edir.

“Belə bir şəraitdə bu forum kimi platformaların böyük əhəmiyyəti var. Müxtəlif təcrübəyə və fərqli peşəkar və intellektual backgrounda malik nüfuzlu şəxslərin bir araya gələrək bir-birini dinləməsi və fikir mübadiləsi aparması son dərəcə vacibdir,” –  o bildirib.

Onun sözlərinə görə, qarşılıqlı anlaşmanın artırılması düzgün və effektiv qərarların qəbul olunması üçün əsas şərtlərdən biridir.

Gülnar Nazimqızı