Baş nazir quru sərhədlərdən danışıb

Ötən həftə İran ərazisindən Naxçıvan Muxtar Respublikasının istiqamətində pilotsuz uçuş aparatlarının istifadəsi ilə bağlı hadisə qeydə alınıb. Bunu baş naziri Əli Əsədov bildirib Milli Məclisdə çıxışı zamanı bildirib. 

Baş nazir Milli Məclisdə təqdim etdiyi illik hesabat zamanı qeyd edib ki, baş verən hadisə fonunda Azərbaycan cəmiyyəti və beynəlxalq ictimaiyyət Prezident İlham Əliyevin ölkənin təhlükəsizliyinin təmin edilməsində qətiyyətli mövqeyinin bir daha şahidi olub.

Əsədovun sözlərinə görə, son dövrdə regionda baş verən hadisələr Azərbaycanın quru sərhədlərinin bağlı saxlanılması qərarının zəruriliyini də göstərir. O vurğulayıb ki, bu addım Prezidentin uzaqgörən və müdrik dövlətçilik siyasətinin növbəti təsdiqidir.

Baş nazir əlavə edib ki, ölkənin təhlükəsizliyi və sabitliyinin qorunması hökumətin əsas prioritetləri sırasında qalır.

Gülnar Nazimqızı