Azərbaycan və Ukrayna dron əleyhinə vasitələrin istehsalı və təcrübə mübadiləsi ilə bağlı əməkdaşlıq edə bilər

Qəbələdə Azərbaycan Prezidenti İlham Əliyev və Ukrayna Prezidenti Volodimir Zelenski arasında keçirilən görüşdə tərəflər hərbi-sənaye kompleksinin inkişafı məsələlərini müzakirə ediblər.

Danışıqlarda hərbi sənaye və ümumilikdə sənaye sahəsində birgə istehsal üçün əlverişli imkanların mövcud olduğu bildirilib.

Tərəflər həmçinin dronlara qarşı mübarizə vasitələrinin istehsalı və bu sahədə təcrübə mübadiləsi üzrə əməkdaşlıq perspektivlərini nəzərdən keçiriblər.