Baş nazir turizmlə bağlı tapşırıqlar verib

Əli Əsədovun rəhbərliyi ilə keçirilən İqtisadi Şuranın iclasında Azərbaycanda turizm sahəsində mövcud vəziyyət, problemlər və inkişaf perspektivləri müzakirə edilib. Bu barədə Nazirlər Kabinetindən bildirilib. 

İclasın gündəliyinə turizm bazarının genişləndirilməsi, sektorun inkişafı istiqamətində prioritet tədbirlər və cari iqtisadi məsələlər daxil edilib.

Müzakirələr zamanı Dövlət Turizm Agentliyinin sədri Fuad Nağıyev təqdimatla çıxış edib.

İqtisadi Şuranın üzvləri və iclasa dəvət olunan şəxslər təqdim olunan məsələlər ətrafında fikir mübadiləsi aparıblar.

İclasın yekununda turizm sektorunun inkişafı ilə bağlı qərarlar qəbul olunub və aidiyyəti dövlət qurumlarına müvafiq tapşırıqlar verilib.