İlham Əliyev və Mehriban Əliyeva Heydər Əliyevin məzarını ziyarət ediblər

Mayın 10-da müasir müstəqil Azərbaycanın memarı və qurucusu və Heydər Əliyevin anadan olmasının 103-cü ildönümü tamam olur.

Bu münasibətlə Azərbaycan Prezidenti İlham Əliyev və birinci xanım Mehriban Əliyeva mayın 9-da Bakıda Fəxri xiyabanda Heydər Əliyevin məzarını ziyarət ediblər.

Prezident məzar önünə əklil qoyub, birinci xanım isə Ulu Öndərin xatirəsini yad edib. Mərasim zamanı Azərbaycanın Dövlət Himni səsləndirilib.

İlham Əliyev və Mehriban Əliyeva daha sonra akademik Zərifə Əliyevanın məzarı üzərinə gül dəstələri qoyublar. Həmçinin dövlət xadimi Əziz Əliyevin və professor Tamerlan Əliyevin xatirəsi yad olunub.