Növbəti Şəhərsalma Forumu Mexioda keçiriləcək

Bakıda keçirilən Ümumdünya Şəhərsalma Forumunun 13-cü sessiyasının bağlanış mərasimində forumun ev sahibliyi rəsmi olaraq Meksikaya ötürülüb.

Ümumdünya Şəhərsalma Forumunun 14-cü sessiyası 2028-ci ildə Mexiko şəhərində keçiriləcək.

Mərasimdə Mexiko şəhərinin meri Klara Bruqada də iştirak edib.

World Urban Forum 13 (WUF13 - Dünya Şəhərsalma Forumu) BMT-nin İnsan Məskənləri Proqramı  -UN-Habitat tərəfindən təşkil olunan dünyanın ən böyük urbanizasiya və şəhər inkişafı platformasıdır.

Forum 2026-cı ildə Bakıda keçirilir və bu, tədbirin ilk dəfə Cənubi Qafqaz regionunda təşkili deməkdir.

Forum şəhərlərin gələcəyi, urbanizasiya, iqlim dəyişiklikləri, yaşayış, nəqliyyat, “yaşıl şəhərlər”, rəqəmsal transformasiya və sosial inklüzivlik kimi mövzuları əhatə edib. Tədbirdə hökumətlər, BMT agentlikləri, şəhər merləri, investorlar, QHT-lər və urbanistlər iştirak edib.

Gülnar Nazimqızı