İlham Əliyev: Azərbaycan 2027-ci ildə İƏT-ə sədrliyi üzərinə götürəcək

Azərbaycan 2027-ci ildə İslam Əməkdaşlıq Təşkilatının (İƏT) Zirvə Konfransının 16-cı sessiyasına ev sahibliyi edəcək və təşkilata sədrliyi öz üzərinə götürəcək. Bu
Prezident İlham Əliyev Bakıda keçirilən İƏT-ə üzv dövlətlərin Parlament İttifaqı Konfransının 20-ci sessiyasının iştirakçılarına ünvanladığı müraciətidə qeyd olunub.

Əliyev bildirib ki, Azərbaycan sədrliyi dövründə üzv dövlətlərin ümumi maraqlarının təşviqi, təşkilat çərçivəsində əməkdaşlığın dərinləşdirilməsi və İslam həmrəyliyinin möhkəmləndirilməsi istiqamətində fəaliyyət göstərəcək.

Prezident qeyd edib ki, bu il Azərbaycanın İƏT-ə üzv olmasının 35 ili tamam olur və ölkə bu müddət ərzində təşkilatın fəaliyyətində fəal iştirak edib.

Əliyev çıxışında İƏT-in Ermənistanla münaqişə dövründə Azərbaycana göstərdiyi dəstəyi yüksək qiymətləndirərək, təşkilatın ölkənin suverenliyi və ərazi bütövlüyünü dəstəkləyən qətnamə və bəyanatlar qəbul etdiyini bildirib.

O, işğal dövründə Qarabağ və Şərqi Zəngəzurda İslam dini abidələrinin dağıdıldığını vurğulayaraq, 67 məsciddən 65-nin məhv edildiyini, qalan məscidlərin isə ciddi zərər gördüyünü qeyd edib.

Prezident hazırda azad edilmiş ərazilərdə aparılan yenidənqurma işləri çərçivəsində dini abidələrin bərpa olunduğunu və yeni məscidlərin inşa edildiyini bildirib.

Əliyev müraciətində islamofobiya məsələsinə də toxunaraq, müsəlmanlara qarşı nifrətin artmasını, Qurani-Kərimin yandırılması və İslam dəyərlərinin təhqir olunmasını pisləyib. O bildirib ki, bu cür hallar ifadə azadlığı ilə əsaslandırıla bilməz.

Prezident həmçinin qeyd edib ki, Azərbaycan islamofobiyaya qarşı beynəlxalq mübarizənin gücləndirilməsi məqsədilə mütəmadi olaraq beynəlxalq konfranslara ev sahibliyi edir.

Konfransın builki sessiyası "Parlament əməkdaşlığı vasitəsilə İƏT üzvü olan dövlətlərdə dayanıqlı və inklüziv iqtisadi inkişafın təşviqi" mövzusuna həsr olunub