Vensİsrail rəsmilərini ABŞ-İran razılaşmasını pozmağa çalışmaqda ittiham edib

ABŞ vitse-prezidenti Ceyms Devid Vens İsrail hökumətinin bəzi üzvlərini İranla müharibəni dayandırmağa yönəlmiş razılaşmaya qarşı çıxmaq üçün Amerika ictimai rəyinə təsir göstərməyə çalışmaqda ittiham edib.

Vens podkast aparıcısı Co Roqana müsahibəsində bəzi İsrail siyasətçilərinə etibar etdiyini, digərlərinin isə müharibənin qeyri-müəyyən müddətə davam etməsi üçün ABŞ ictimai rəyini dəyişməyə çalışdığını bildirib.

“Danışıqları və razılaşmanı pozmaq üçün yaxşı maliyyələşdirilmiş və çox da nəzərə çarpmayan kampaniya aparıldığını düşünürəm”, — Vens deyib.

O, İsrail rəhbərliyinin bəzi nümayəndələrinin Prezident Donald Trampın İranla əldə etdiyi razılaşmaya qarşı çıxdığına dair açıq sübutların olduğunu bildirib.

İsrail hökuməti Vens-in açıqlamalarına dərhal münasibət bildirməyib.

Ağ Evin mətbuat katibi Kerolayn Livitt bildirib ki, Tramp xarici ölkələrin Amerika ictimai rəyinə təsir göstərməyə çalışması ilə bağlı Vens-in mövqeyi ilə razıdır.

İranla danışıqlarda fəal iştirak edən Vens iyunda da razılaşmanı tənqid edən İsrail siyasətçilərinə Vaşinqtonun dəstəyinə qarşı çıxmamaq barədə xəbərdarlıq etmişdi.

Gülnar Nazimqızı