İlham Əliyev Şimali Kipr liderinə başsağlığı verib

Azərbaycan Prezidenti İlham Əliyev Şimali Kipr Türk Respublikasının Prezidenti Tufan Erhürmana Girnə yaxınlığında baş verən gəmi qəzasında insanların həlak olması ilə bağlı başsağlığı məktubu göndərib.

Məktubda Prezident İlham Əliyev hadisə barədə xəbərin Azərbaycanı sarsıtdığını bildirib.

“Bu faciə ilə əlaqədar Sizə, həlak olanların ailələrinə və yaxınlarına, qardaş xalqınıza öz adımdan və Azərbaycan xalqı adından dərin hüznlə başsağlığı verir, xəsarət alanlara şəfa diləyirəm”, - məktubda deyilir.

İlham Əliyev məktubunu “Allah rəhmət eləsin!” sözləri ilə yekunlaşdırıb.