Bişkekdə Azərbaycan və İran prezidentlərinin görüşü keçirilib - yenilənib

Azərbaycan Prezidenti İlham Əliyev avqustun 31-də Qırğızıstanın paytaxtı Bişkekdə İran Prezidenti Məsud Pezeşkianla görüşüb.

Pezeşkian görüşdə İranın üzləşdiyi çətin vəziyyətdə Azərbaycanın göstərdiyi dəstəyi, verdiyi başsağlığını və humanitar yardımı yüksək qiymətləndirib və buna görə İlham Əliyevə təşəkkür edib.

İran Prezidenti iki ölkə arasında əlaqələrin inkişafı üçün geniş imkanların olduğunu bildirərək, Tehranının Azərbaycanla bütün sahələrdə münasibətləri genişləndirməkdə maraqlı olduğunu deyib.

Pezeşkian Azərbaycanla İran arasındakı münasibətlərin dostluq və qardaşlıq xarakteri daşıdığını vurğulayıb. O, İranın bütün qonşu ölkələrlə yaxşı münasibətlər qurmaq niyyətində olduğunu qeyd edib.

İlham Əliyev isə Azərbaycanın İranın üzləşdiyi vəziyyətdə göstərdiyi dəstəyin qardaşlıq nümunəsi olduğunu bildirib.

Azərbaycan Prezidenti İranla bağlı yaranmış vəziyyətin sülh və danışıqlar yolu ilə həllinin tərəfdarı olduğunu deyib.

Görüşdə Azərbaycan-İran əməkdaşlığının müxtəlif sahələrdə inkişaf perspektivləri barədə fikir mübadiləsi aparılıb.

***

Qırğızıstanın paytaxtı Bişkek şəhərində avqustun 31-də Azərbaycan Prezidenti İlham Əliyevin İran İslam Respublikasının Prezidenti Məsud Pezeşkianla görüşü olub.

17:09

Qırğızıstanın paytaxtı Bişkek şəhərində Azərbaycan Prezidenti İlham Əliyevin İran Prezidenti Məsud Pezeşkianla görüşü keçirilir.