Ukrayna səfirliyi Azərbaycanı təbrik edib

Ukraynanın Azərbaycandakı səfirliyi 20 Sentyabr – Dövlət Suverenliyi Günü münasibətilə Azərbaycanı təbrik edib.Bu barədə diplomatik missiyanın rəsmi "Facebook" səhifəsində paylaşım edilib.

Səfirlik Azərbaycanın dövlətçiliyinin möhkəmlənməsini, inkişaf və rifahını, ölkə əhalisinə isə sülh və həmrəylik arzulayıb.

Paylaşımda bildirilib ki, Ukrayna və Azərbaycan qarşılıqlı olaraq bir-birinin suverenliyini və ərazi bütövlüyünü dəstəkləyir, iki ölkə arasında dostluq münasibətləri və strateji tərəfdaşlıq əlaqələri inkişaf edir.

Səfirlik Ukraynaya göstərdiyi həmrəyliyə və dəstəyə görə Azərbaycan rəhbərliyinə və xalqına təşəkkür edib.