Ramiz Mehdiyevin cinayət işi məhkəmə baxışına təyin edilib

Prezident Administrasiyasının sabiq rəhbəri Ramiz Mehdiyev və onun keçmiş köməkçisi Eldar Əmirovun cinayət işi üzrə məhkəmənin hazırlıq iclası keçirilib və iş məhkəmə baxışına təyin edilib.

Sentyabrın 21-də Bakı Ağır Cinayətlər Məhkəməsində hakim Murad Aslanovun sədrliyi ilə keçirilən iclasda təqsirləndirilən şəxslərin anket məlumatları dəqiqləşdirilib, onların prosessual hüquq və vəzifələri izah olunub.

Məhkəmə tərəfindən müdafiə hüququnun və digər prosessual təminatların həyata keçirilməsi üçün zəruri şərait yaradılıb.

Ramiz Mehdiyev barəsində 2025-ci ilin oktyabrında Dövlət Təhlükəsizliyi Xidmətində cinayət işi başlanıb. O, Cinayət Məcəlləsinin 193-1.3.2-ci (cinayət yolu ilə əldə edilmiş əmlakın leqallaşdırılması), 274-cü (dövlətə xəyanət) və 278.1-ci (hakimiyyəti zorla ələ keçirməyə və ya dövlətin konstitusiya quruluşunu zorla dəyişdirməyə yönələn hərəkətlər) maddələri ilə ittiham olunur.

Tatyana