XİN Pakistana başsağlığı verib

Azərbaycan Xarici İşlər Nazirliyi (XİN) Pakistanın Peşəvər şəhərində məktəb binasının bir hissəsinin uçması nəticəsində həlak olanlarla bağlı başsağlığı verib. Bu barədə nazirlik “X” hesabında paylaşım edib.

“Pakistanın qardaş xalqına Pişəvərdə məktəb binasının bir hissəsinin uçması nəticəsində çoxsaylı şagirdin və bir müəllimin həyatını itirməsi ilə əlaqədar dərin hüznlə başsağlığı verir və təəssüfümüzü bildiririk. Həyatını itirənlərin ailələrinin kədərini bölüşür, bu faciədən zərər çəkən hər kəsə dərin hüznlə başsağlığı veririk”, - paylaşımda bildirilib.

Pakistan mediasının məlumatına görə, Peşəvər şəhərinin Dir-Koloni rayonunda özəl məktəbin damının uçması nəticəsində azı 34 şagird və bir müəllim həlak olub.