Türk QHT-ləri kəlbəcərli girovlarla bağlı bəyanat yaydı - MƏTN

ANN.Az xəbər verir ki, bir-çox qurumun birgə imzaladığı bəyanatda hər iki şəxsin doğma torpaqlarında necə əsir düşdükləri xatırladılır və onlara qarşı qondarma məhkəmə qurulduğu vurğulanır. Bəyanatda deyilir:"Girov alındıqları torpaqlar Ermənistan tərəfindən işğal edilmiş Azərbaycanın torpaqlarıdır. Kəlbəcər bölgəsi hazırda Ermənistanın əlindəki işğal edilmiş torpaqların bir hissəsidir, Azərbaycanın dövlət sərhədləri daxilindədir. Bu torpaqlarda doğulmuş, böyümüş Dilqəm Əsgərov, Şahbaz Quliyev və Həsən Həsənov Ermənistanın işğal siyasəti nəticəsində öz yurdlarından zorla çıxarılmış Azərbaycan vətəndaşlarıdır. Kəlbəcər torpaqlarında onların baba-atalarının qəbrləri var. Öz vətən torpaqlarına ailə qəbiristanlığını ziyarət etməyə, yaşamış olduqları kəndi təkrar görə bilmək ümidiylə getmişlər. Hər hansı gizli bir plan və pis niyyətləri olmayıb. Doğulduqları torpaq həsrətiylə Ermənistanın işğalı altında olan torpaqlarımıza keçdikləri sırada girov alınıblar.Ermənistan tərəfi, əllərindəki girovlardan Azərbaycanlı Həsən Həsənovu işgəncə edərək vəhşicəsinə qətlə yetiriblər. Digər girovlar isə mənəvi, fiziki işgəncələrə məruz qalmaqdadır. Bu bəyanata imza atanalar dünya ictimaiyyətinin bu məsələyə laqeyd qalmasını istəmir, problemin aktuallığına diqqət artırmaq istəyirik. Dünya, Ermənistanın bu hüquqsuzluğuna "dur!" deməli və azərbaycanlı girovların tez bir zamanda azadlığa buraxılması üçün müəayyən addımlar atmalıdır".Məlumata imza atan vətəndaş cəmiyyət quruluşları bunlar:

"Türkiyə Universitetləri Məzunları İctimai Birliyi (TUMİB bakı-TUMİB İstanbul),

Türk Xalqları Konqresi, Türk Dünyası Araşdırmalar Vəqfi, Avrasiya Türk Dərnəkləri Federasiyası, Kazak Türkləri Təhsil və Mədəniyyət Dərnəyi, Şərq Türkistan Milli Mərkəzi, Türkistanlılar Mədəniyyət və İctimai Kömək Dərnəyi, Türkmeneli İnsan Haqqları Dərnəyi, Bolqarıstan Türkləri Mədəniyyət və Xidmət Dərnəyi, Dünya Türkmənləri Təhsil Vəqfi, Altaylardan Tunaya İmmiqrantlar Dərnəyi, Balkan Türkləri Mədəniyyət və Həmrəylik Dərnəyi,Bolqarıstan Strateji Araşdırma Dərnəyi, Dimdiyik dostluq-Mədəniyyət və Həmrəylik Dərnəyi, Günəşli Trakyalılar Dərnəyi, Türk İslam Tarixi Araşdırmalar Vəqfi, Balkan Trakya Mədəniyyət və Həmrəylik Dərnəyi,İstanbul Türkiyə Azərbaycan Həmrəylik və Mədəniyyət Dərnəyi, Türkiyə Azərbaycan Dərnəkləri Federasiyası, Kocaeli Azərbaycan Evi Dərnəyi, Dərincə Azərbaycan Evi Dərnəyi, Gebze Azərbaycanlılar Dərnəyi, Eskişehir Azərbaycanlılar Dərnəyi, Adana Azərbaycan Mədəniyyət və Həmrəylik Dərnəyi, Ankara Azərbaycan Evi Dərnəyi, Antaliya Azərbaycan Evi Dərnəyi, İstanbul Türk Azərbaycan Dostluq Mədəniyyət və Həmrəylik Dərnəyi,Balıkesir Azərbaycan Mədəniyyət və Həmrəylik Dərnəyi, İzmir Azərbaycan Qadınları Mədəniyyət Mərkəzi Dərnəyi, Çanaqqala Azərbaycan Evi Dərnəyi, İzmir Azərbaycan Mədəniyyət Evi və Həmrəylik Dərnəyi, Qars Azərbaycan Evi Dərnəyi, Edirne Azərbaycan Evi Dərnəyi.ANN.Az