Orucovlar ailəsi Ermənistanı tərk etdi

Ermənistanda siyasi sığınacaq istəmiş Azərbaycandan olan Orucovlar ailəsi Ermənistanı tərk edib.

Oxu.Az Ermənistan KİV-nə istinadən xəbər verir ki, bu barədə Ermənistanın Dövlət Miqrasiya Xidmətinin rəisi Qaqik Eqanyan deyib.

Onun sözlərinə görə, Orucovlar ailəsi ötən il dekabrın əvvəlində ölkəni tərk edib. Onların hara getdiyi məlum deyil.

Xatırladaq ki, ötən ilin yanvarın 29-da Azərbaycan vətəndaşı Cavid Orucov Ermənistan tərəfinə siyasi sığınacaqla bağlı müraciət etmişdi. Müəyyən olunmuşdu ki, o, ailəsi ilə Azərbaycan vətəndaşlığından imtina etmək və üçüncü ölkədə sığınacaq almaq məqsədilə Ermənistana gedib.  

ANN.Az