Vankuverdə azərbaycanlılar Gəncədəki terrora etiraz etdi

 "Vancouver Public Library” meydanına toplaşan aksiya iştirakçıları Gəncə şəhərində və ölkəmizin digər yaşayış məntəqələrində Ermənistan silahlı qüvvələrinin törətdiyi vandalizm aktları nəticəsində mülki şəxslərin, o cümlədən azyaşlı uşaqların həlak olmasını, mülki obyektlərin dağıdılmasını kəskin şəkildə pisləyiblər.
Aksiyada "Qarabağ Azərbaycandır”, "Erməni təcavüzünə son”, "Mülki insanlar toxunulmazdır”, "Uşaq ölümünə son qoyun”, "Gəncə üçün dua et”, "Erməni terroruna son” kimi şüarlar səsləndiriblər.

Kanadada yaşayan dost xalqların nümayəndələri də öz bayraqları ilə aksiyaya qoşularaq Azərbaycana dəstəklərini nümayiş etdiriblər.
 

www.anews.az