Rusiyada azərbaycanlı iş adamı saxlanıldı
10.03.2021 17:58
Rusiyada "Spar” supermarket şəbəkəsini idarə edən, "İntertorq” ticarət evinin keçmiş şəriki, azərbaycanlı iş adamı Allahverdi Abdullayev Federal Təhlükəsizlik Xidmətinin əməkdaşları tərəfindən saxlanılıb.
Bu barədə "RBC” hüquq-mühafizə orqanlarındakı mənbələrə istinadən məlumat verib. Eyni zamanda "İntertorg” şirkətinin keçmiş vəkili və maliyyə direktorunun da saxlanıldığı bildirilir.
İstintaq tədbirləri iri həcmdə fırıldaqçılıqla bağlı cinayət işi çərçivəsində aparılıb. Cinayət işi 2020-ci ilin dekabrında "Sberbank”dan 8 milyard rubl vəsaitin mənimsənilməsi ilə əlaqədar başladılıb.
Məlumatda bildirilib ki, şirkət əməkdaşlarının mənzillərində ümumilikdə 30-dan çox axtarış əməliyyatı həyata keçirilib. Əməliyyatlar Rusiyanın FTX-nin "K” iqtisadi təhlükəsizlik xidmətinin əməkdaşları tərəfindən aparılıb.
"Fontanka” nəşrinin verdiyi məlumata görə isə, 50-dən çox ünvanda həyata keçirilən axtarışlar "İntertorq”la əlaqəli iki cinayət işi çərçivəsində baş tutub. İşlərdən birində "Sberbank”dan kredit oğurluğundan söhbət gedir. İkinci cinayət işi isə təqribən 2 milyard rubl dəyərində saxtakarlıq ittihamı ilə "Intertorg” tədarükçüləri tərəfindən irəli sürülüb.
www.anews.az
Facebook
Bizi Facebookda izləyin
Oxşar xəbərlər
Oxşar xəbərlər
Cəmiyyət 16:45
11-ci sinif buraxılış imtahanlarının şəhər və rayonlar üzrə keçirilmə qrafiki açıqlanıb
Foto
Video
