Putinin məşhurluğu azalıb - 90% insan onun siyasətini rədd edir

Polşadan Avstraliyaya qədər 18 ölkədə keçirilən sosioloji sorğuda respondentlərin 90%-i Vladimir Putinin siyasətini qəti rədd edir. Bu barədə "Pew Research” tədqiqat mərkəzi məlumat yayıb. 

Bu, sorğunun keçirildiyi 20 il ərzində Putinin reytinqinin ən aşağı səviyyəsidir. Sorğu Rusiyada keçirilməyib. 

Amerika Birləşmiş Ştatlarında Putini 6% pozitiv, 77% isə neqativ qiymətləndirir. Almaniyada isə 85% neqativ yöndə səs verib. 

Putindən savayı Rusiyanın ümumi reytinqi də aşağı düşüb. Antirusiya əhvalı Polşada daha genişdir.  İştirakçıların 97 faizi Rusiyaya mənfi yanaşır. İtaliyada  Rusiyaya etimad 2020-ci ildəki 48 %-dən 14 %-ə düşüb.

Rusiyaya 50% etibar edən ölkə isə Malaziyadır. Belə ki, bu ölkənin Rusiyaya güvən göstəricisi rusların özündən də çoxdur.

ABŞ Prezidenti Co Baydenə etimad da zəifləyib.

Almaniyada ötən il onun siyasətini respondentlərin 78% dəstəkləyirdi. Bu il isə 64%-ü dəstəkləyib. Amma Baydeni dəstəkləyən avropalılar yenə də çoxluq təşkil edirlər.

İsrail istisna olmaqla bütün ölkələrdə Baydenin reytinqi əvvəlki Prezident Donald Trampın dörd illik reytinqlərindən  yüksəkdir. 


www.anews.az