ABŞ-da illik inflyasiya iyunda 1981-ci ilin noyabrından bəri ən yüksək həddə çatdı

ABŞ-da illik inflyasiya mayda 8,6%-ə qarşı iyunda 9,1%-ə yüksəlib. Bu barədə ABŞ Əmək Departamentinin mətbuat xidməti məlumat yayıb.


Ay ərzində inflyasiya dərhal 1,3% sürətləndi. Yayın ilk ayında istehlak qiymətlərinin artım tempi 1981-ci ilin noyabrından bəri ölkə üzrə ən yüksək göstərici olmuşdur.


DailyFX portalının sorğusuna qatılan analitiklər illik inflyasiyanın 8,8%-ə qədər sürətlənəcəyini, ay ərzində isə bu rəqəmin 1,1% artacağını gözləyirdilər.


İyunun ikinci yarısında ABŞ-ın maliyyə naziri Canet Yellen ABC televiziyasına müsahibəsində ölkədə yüksək inflyasiyanın hazırda qlobal bir hadisə olduğunu və qısa zamanda bunun öhdəsindən gəlməyin mümkün olmayacağını bildirib.

Nazirin proqnozuna görə, Amerika iqtisadiyyatı yüksək artım templərindən sonra yavaşlayacaq. Bunun tam olaraq nə vaxt baş verəcəyini, Yellen dəqiqləşdirməyib.


www.anews.az