Ölkə ərazisində bankomatların sayı 6% artıb

Kommersiya bankları plastik kartlarının xidmət edilməsinə dair infrastukturun inkişaf etdirilməsini davam etdirir.

ANN.Az-ın Mərkəzi Banka istinadən verdiyi xəbərə görə, 2013-cü ilin yanvar-sentyabr ayları ərzində bank plastik  kartlarına 2 396 bankomatda və 35 152 POS-terminalda xidmət edilib.

Qeyd edək ki, dövr ərzində ölkə ərazisində bankomatların sayı 6% artıb.

Bu müddətdə bankomatlar vasitəsilə 6 387 mln. manat həcmində 37,544 mln. manat əməliyyat aparılıb. POS-terminallar vasitəsilə aparılan əməliyyatların sayı 7 434 min ədəd, həcmi 677 mln. manat təşkil edib.

Plastik kartların sayı ilin əvvəlindən 339 min ədəd artaraq 5,347 mln. ədədə çatıb ki, bu da hər min nəfərə orta hesabla 891 ödəniş kartı deməkdir.

ANN.Az