Qurban Qurbanov soyuqqanlı danışdı: Hər şey ola bilər

Dünən Avroliqanın qrupu mərhələsi çərçivəsində İtaliyanın məşhur "İnter" klubu ilə qarşılaşan Ağdamın "Qarabağ" klubu görünməmiş ədalətsizliklə üzləşib. Gözəl oyun göstərməklə yerli azarkeşlərin qəlbində taxt quran "Qarabağ" klubunun futbolçuları dünən də əzmkar oyunları ilə diqqət çəkiblər. Dünyanın ən nəhəng klublarından bir ilə başa-baş mübarizə aparan futbolçularımız hətta oyunun son dəqiqəsində fərqlənsələr də, hakim ədalətsizliyi nəticəsində təmiz qol qeydə alınmayıb. Dünyanın ən məşhur idman nəşrləri "Qarabağ"ın hesaba alınmayan qolundan və hakim ədalətsizliyindən bəhs edən yazılarla çıxış ediblər. 

Matçdan sonra keçirilən mətbuat konfransında isə "Qarabağ"ın baş məşqçisi Qurban Qurbanov yenə də öz soyuqqanlılığı ilə seçilib. Baş məşqçi Almeydanın vurduğu qolun təmiz qol olduğunu bildirib. Futbol mütəxəssisinin oyundan sonra keçirilən mətbuat konfransındakı fikirlərini təqdim edirik. Material Qurban Qurbanovun "Facebook"dakı səhisəsinə istinadla verilir. 

- Avropa Liqasının qrup mərhələsindən əvvəl nə düşünürdünüz?

- Bilirdik ki, maraqlı qrupa düşmüşük, Bütün rəqiblərimizin böyük təcrübəsi var idi. Biz də pis oynamadıq. Həmişə futbolçularıma demişəm ki, mümkünsüz şey yoxdur. Bu gün də bunun şahidi olduq. Hər bir rəqibə qarşı oynaya bildik.

- İki videoyazıya baxdıq. Təmiz qol vurulmuşdu. Top rəqibin futbolçusuna dəyərək qapıya daxil olmuşdu. Hakimin qərarı bizə qaranlıq qaldı. Belə bir qərar vermək böyük risk idi. Bizə başqa söz demək düşməz.

- Heç nə edə bilmərik. Hətta "İnter"in futbolçusu oyundan sonra mənə dedi ki, top qapıya girəndə ona toxunmuşdu. Ancaq o, bunu hakimə desəydi, daha yaxşı olardı. Vurulan qol qeydə alınmalı idi.

- Futbolda hər şey ola bilər. Bəzi oyunlarda da bizim bəxtimiz gətirib.