Azərbaycanda kommunal xidmətlərdə liderlik internet xidmətlərinin payına düşüb

Dünya Bankının “Business Ready – B-READY 2025” hesabatına əsasən, Azərbaycan internet xidmətlərinin əməliyyat effektivliyi üzrə 101 ölkə arasında 5-ci yerdə qərarlaşıb. 

Azərbaycan eyni zamanda tənzimləyici keyfiyyət (17-ci yer, 30,83 xal) və idarəetmə-şəffaflıq göstəriciləri (27-ci yer, 29,17 xal) üzrə ilk 30-luqda yer alıb. Ümumilikdə, kommunal xidmətlər indikatoru üzrə ölkə 83,05 xal toplayaraq 25-ci mövqedə qərarlaşıb və region ölkələrini qabaqlayıb.

Hesabata görə, kommunal xidmətlər sahəsində ən yüksək töhfəni internet xidmətləri verib.

Business Ready qiymətləndirməsi dövlət xidmətlərinin keyfiyyəti, tənzimləmə mühiti və əməliyyat effektivliyini ölçən beynəlxalq metodologiyaya əsaslanır və 2025-ci il hesabatında 101 ölkəni əhatə edir.