Özbəkistanda latın qrafikalı əlifbanın təkmilləşdirilməsi haqqında qanun imzalanıb

Özbəkistan Prezidenti Şavkat Mirziyoyev latın qrafikasına əsaslanan özbək əlifbasının təkmilləşdirilməsini nəzərdə tutan qanunu imzalayıb.Bu barədə Prezident Administrasiyasının rəhbəri Saida Mirziyoyeva “Telegram” kanalında məlumat verib.

Onun sözlərinə görə, uzun illər müzakirələrə səbəb olan məsələ ilə bağlı qərar qəbul olunub.

Yeni qərara əsasən, özbək əlifbası əvvəlki 26 hərf və üç hərf birləşməsi əvəzinə 28 hərf və bir apostrofdan ibarət olacaq.

Özbəkistanda latın qrafikasına keçidlə bağlı qanun 1993-cü ildə qəbul edilib. Əlifbanın yeni variantı isə 2026-cı il sentyabrın 10-da Senat tərəfindən təsdiqlənib.