PAŞA Bank sahibkarlar üçün yeni POS Kredit məhsulunu təqdim edir

PAŞA Bank kiçik və orta sahibkarların maliyyələşməyə çıxışını asanlaşdırmaq məqsədilə yeni POS Kredit məhsulunu təqdim edib. Məhsul bankın POS və mobil POS (mPOS) terminallarından istifadə edən hüquqi şəxslərə və fərdi sahibkarlara satış dövriyyəsi əsasında girovsuz kredit əldə etmək imkanı yaradır. Sahibkarlar POS Kredit vasitəsilə 5 000 manatdan 250 000 manatadək maliyyələşmədən yararlana bilərlər. İlk 15 gün ərzində faiz hesablanmır və faktiki illik faiz dərəcəsi (FİFD) 19,06% təşkil edir.

Məhsulun əsas üstünlüklərindən biri kredit ödənişlərinin sahibkarın POS dövriyyəsinə uyğunlaşdırılmasıdır. Sahibkarlar kredit ödənişlərini satış dövriyyələrinə uyğun şəkildə həyata keçirə bilirlər.

POS Kreditə PAŞA Bankın onlayn bankçılıq platforması və biznes mobil tətbiqi vasitəsilə müraciət etmək mümkündür. Kreditdən yararlanmaq üçün müştəri ən azı 6 ay PAŞA Bankın POS xidmətindən istifadə etməli, VÖEN üzrə fəaliyyət müddəti isə bir ildən çox olmalıdır. Digər şərtə əsasən, son altı ayın hər birində bankın POS terminalları vasitəsilə 30-dan çox əməliyyat aparılmalıdır. Kredit məbləği yalnız PAŞA Bank üzrə POS dövriyyəsi nəzərə alınmaqla müəyyən edilir.

PAŞA Bank beynəlxalq maliyyə nəşri International Investor Magazine tərəfindən 2026-cı il üzrə “Azərbaycanın ən yaxşı bankı” və “Azərbaycanın ən yaxşı KOS bankı” adına layiq görülüb. Bank son illərdə Euromoney və Global Finance tərəfindən də müxtəlif nominasiyalar üzrə təltif olunub. Eyni zamanda, Stevie Awards müsabiqəsində “İlin şirkəti” nominasiyası üzrə “Gold Stevie” mükafatını qazanan ilk Azərbaycan bankı olub.

Ətraflı məlumat və müraciət üçün linkə daxil olun