Erməni qızına bənzəmək üçün özünü bugünə qoydu - FOTOLAR

İngiltərədə yaşayan 23 yaşlı Cordan Ceyms Park məşhur amerikalı TV ulduzu Kim Kardaşyana bənzəmək üçün 150 min dollar xərcləyərək plastik əməliyyatlar keçirib. 

ANN.Az-ın verdiyi xəbərə görə, "Sun" qəzetinə açıqlama verən gənc  "Keeping Up With the Kardashian’s" adlı realiti şounu izləməyə başlayandan sonra 33 yaşlı kardaşyana aşiq olduğunu deyib: "O sözün bütün mənalarında mükəmməl qadındı. Onunla bağlı hər şeyi çox sevirəm. Dərisi, saçları, vücudu, hər yeri qəşəngdi". 

Cordan Kardaşyana bənzəmək üçün 50-dən çox plastik əməliyyat keçirdiyini etiraf edib. 

İngilis gənc görünüşü ilə bağlı ironiya edənləri və onu süni olmaqda ittiham edənləri qətiyyən vecinə almadığını bildirib: insanlar mənə süni göründüyümü deyəndə sadəcə gülürəm. Onlar təbii görünməyə çalışdığımımı güman edirlər? Məsələ həqiqətən belə olsaydı, pulumu geri istəyərdim".

Qeyd edək ki, erməni əsilli Amerikan realiti şou ulduzu Kim Kardaşyan son dövrlərdə ən çox tənqidlərlə üzləşən məşhurlardan biridi. Onu nəyin bahasına olursa, olsun gündəmdə qalmağa çalışmaqda, süniliyi, bayağılığı təbliğ etməkdə və gənclərə pis nümunə olmaqda ittiham edirlər. 

Bu birinci dəfə deyil ki, hansısa gənc pərəstiş etdiyi məşhura bənzəmək üçün özünü bu vəziyyətə salır. Bu tendensiyanı kütləvi pop mədəniyyətin, maskulturanın cəmiyyəti uçura aparmasının göstəricilərindən biri sayanlar da var.