Bakıdan bu şəhərə yeni aviareys açılacaq

Tacikistanın iqtisadi inkişaf və ticarət naziri Nemətullo Hikmətullozoda bu ölkədə fəaliyyətdə olan Azərbaycan səfiri Abbasəli Həsənovla görüş keçirib.

ANN.Az ANS PRESS-ə istinadən xəbər verir ki, bu barədə Tacikistan iqtisadi inkişaf və ticarət nazirliyinin mətbuat mərkəzi xəbər yayıb.

Xəbərdə bildirilir ki, görüş zamanı tərəflər əsasən Tacikistan-Azərbaycan arasında iqtisadi əməkdaşlıq barədə söhbət ediblər.

Tərəflər eləcə də sərmayələrin cəlb olunması, kənd təsərrüfatı mallarının emalı, birbaşa Düşənbə-Bakı aviareysinin bərpa edilməsi barədə fikir mübadiləsi aparıblar.

Qeyd edək ki, görüş zamanı Ölkələrarası iqtisadi-ticari və elmi-mədəni komissiyanın növbəti iclasının keçirilməsi barədə də danışıqlar aparılıb.

ANN.Az